Archives: cathasturias

Asturias yn Gymraeg: Mae’r Lluarth yn Sych

Mae’r lluarth yn sych, a phobman arall hefyd. Dim mwy na phedwar diferyn, ys dywedan nhw fan hyn ‘cuatro gotas’, ers bron i dair wythnos. Anarferol iawn i Asturias, hyd yn oed yng nghanol haf. Gyda’r sychder, daw’r morgrug yn eu miloedd. Bob tro rwy’n clirio chwyn neu iorwg dyna nhw’n rhedeg am eu bywydau. […] Parhau i ddarllen

Asturias yn Gymraeg: Hoff Win yr Haf

Daw hirddydd haf â chwant gwin pinc, rosé, rosado, neu clarete. Mae’r ddau enw olaf yn cael eu defnyddio yn Sbaen i ddynodi gwin o bob lliw pinc, o’r ceirios dyfnaf i’r awgrym lleiaf mewn gwin golau. A rhaid cyfaddef eu bod nhw’n cael eu defnyddio yn gyfystyron. Ac i’r sawl sydd yn eu hyfed […] Parhau i ddarllen

Asturias yn Gymraeg: O’r Lluarth: Ffrwyth a Phethau Eraill

Nodyn bach cyn inni fynd lan i’r bar i gefnogi’r Ariannin! Mae rhai o’r cwrens duon yn y cae newydd, a brynwyd yn gynharach eleni yn flwydd oed, wedi dwyn ffrwyth. Siŵr nad ydyn nhw ddim i fod i wneud hynny, ond mae’r cynnyrch bach wedi mynd at gwrens yr hen lwyni i weithio cyffaith, […] Parhau i ddarllen

Asturias yn Gymraeg: Newyddion o’r Cae Newydd

Roedd llai o chwyn na’r disgwyl pan ddaethom ni nôl. Diolch i’r tywydd sych am hynny. Ond un peth yr ydym ni wedi sylweddoli gan fod maint y tir wedi cynyddu gymaint yw bod angen cerdded o gwmpas bob rhan ohono o leiaf bob yn eilddydd er mwyn dal y chwyn bach cyn bod nhw’n […] Parhau i ddarllen

Asturias yn Gymraeg: Adolygiad: The Crucible

Wedi bod yn Llundain am ychydig ddyddiau, ac wedi llwyddo i gael tocynnau i weld un o brif ddramau Arthur Miller, The Crucible, yn yr Old Vic. Newydd agor am wythnos o ragberfformiadau  yr oedd, ac ambell i beth yn dal yn flêr ac ambell i linell yn mynd ar goll – ond bois bach […] Parhau i ddarllen

Asturias yn Gymraeg: O’r Ardd: Mefus Newydd

Wps mae’r amser wedi llithro heibio heb imi ysgrifennu dim am ddatblygiad y lleuarth yn y cae newydd. Y gwir amdani yw bod y tywydd wedi bod cystal – yn heulog dwym – ein bod wedi gweithio oriau hirion ac os nad yn gweithio buom ni’n nofio neu’n cerdded neu’n bwyta cinio gyda chyfeillion. (Congren […] Parhau i ddarllen

Asturias yn Gymraeg: Y Rhod yn Troi

Weithiau, efallai, bydd barn y bobl yn gorfodi´r cyfryngau i newid eu sbin ar straeon gwleidyddol. Nos Sadwrn ymddangosodd erthygl ar flaen tudalen El País oedd yn honni, yn ei bennawd ac yn y frawddeg agoriadol, bod ‘mwyafrif o Sbaenwyr o blaid y brenin nesaf, Felipe’. O ddarllen ymhellach, roedd hyn yn ffrwyth arolwg barn […] Parhau i ddarllen

Asturias yn Gymraeg: Ffarwel ag un Brenin

Mae brenin Sbaen, Juan Carlos, wedi ildio’r orsedd. Ond gan taw ei fab Felipe fydd yn cymryd ei le, fawr o newid fydd. Mwy heno pan gaf i amser: mae’n ddiwrnod da i fod yn y cae. (Rai oriau wedyn)   Grym ystrydeb ei gwirionedd. Ystrydeb erbyn hyn yw dweud taw’r un rhwyg sydd yn […] Parhau i ddarllen

Asturias yn Gymraeg: Y Coed Afalau a Phlanhigion Eraill

Wyddwn i ddim fod afal Enlli’n oedi gymaint cyn blodeuo. Roeddwn i wir wedi dechrau becso am y goeden fach, oherwydd y golwg crin oedd ar y blagur.  Ond dyma hi nawr yn ei blodau a’i dail, a diolch byth mae un o’r coed seidr yn dal i flodeuo felly mae gobaith y bydd yn […] Parhau i ddarllen

Asturias yn Gymraeg: Pesto Persli

Mae persli llynedd wedi dechrau mynd yn goesau hir caled yn barod i flodeuo. Dim byd i’w wneud ond ei dynnu fe, gan adael dau blanhigyn er mwyn cynhyrchu hadau. Gwerth tri phersli sydd yn y colander uchod! Cymysgu’r cwbl yn y peiriant bwyd gyda garlleg, cnau Ffrengig a chaws dafad, a’i ysgafnhau wedyn gyda […] Parhau i ddarllen

Asturias yn Gymraeg: O’r Lleuarth: Paratoi

Mae pethau’n tyfu yn y cae newydd! Chwyn a gwair, wrth gwrs, ond hefyd planhigion a blannwyd. Yn gyntaf fe ddaeth cymydog caredig i aredig (arar yn Sbaeneg: yr hen Rufeiniaid ‘na a’u technoleg newydd). Roedd y gŵr eisoes wedi cerdded lan a lawr y cwbl (60m x 20m) yn lladd y gwair gyda thorrwr […] Parhau i ddarllen

Asturias yn Gymraeg: Gwanwyn Llawn Blodau

Dwi wedi bod yn gweithio heddiw, onest. Wedi clirio deunydd hen domen gompost a’i ddodi lle ‘roedd ei angen – yn un o welyau’r tomatos ac o amgylch y cennin. Wedi troi’r domen nesaf i le’r hen un fel bod gyda ni le i ddechrau un newydd. Mae gyda ni sawl un ymhob ran o’r […] Parhau i ddarllen

Asturias yn Gymraeg: Nodyn Byr am Bersawr

Cofnod am dato oedd hi i fod y bore ‘ma, ac efallai y bydd hi heno, ond wrth gerdded mâs drwy’r drws i’r teras fe ges i fy hudo gan bersawr y jasmin. Mae’r blodau yno ers sbel: dwi ddim yn gwybod ai tymheredd y nos sydd wedi cyrraedd rhyw lefelangenrheidiol neu beth, ond bois bach. […] Parhau i ddarllen

Asturias yn Gymraeg: Caeau

Roedd Bolahaul yn enw cyfarwydd yn ardal fy mebyd. Enw cae, enw fferm, enw ar heol hyd yn oed.  Mae’n golygu lle heulog braf ac roeddwn i wastod yn ei ddychmygu fel rhywun yn gorwedd ar draeth yn danbgos ei bola i’r haul ar ddiwrnod o haf. A dyma ein Bolahaul ni Tynnais i’r llun […] Parhau i ddarllen

Asturias yn Gymraeg: O’r Ardd: Llysiau Lliw

Dal i chwynnu fel jobyn bob dydd, ond hefyd erbyn hyn yn cael hoe fach i fynd i gasglu pethau i’r gegin. Dechrau o’r cefn: orennau mandarin. Mae’r goeden yn tynnu at ei dengmlwydd yn awr ac yn rhoi cnwd da rhwng Nadolig a’r Pasg. Brocoli porffor: llawer well gyda fi hwn na’r un glas. […] Parhau i ddarllen

Asturias yn Gymraeg: O’r Ardd: Hen a Newydd

Does dim llawer i’w ddweud am y cae newydd eto – dim ond bod y gwerthiant wedi mynd drwodd yn iawn, a’n bod ni wedi siarad â chymydog sy’n berchen arad. Dywed hwnnw bod  rhaid lladd cyn aradu felly bant â ni i chwilio am y boi sydd fel arfer yn lladd gwair y cae […] Parhau i ddarllen

Asturias yn Gymraeg: Adolfo Suárez

Heddiw bu’n rhaid i’r cyhoeddiad bod yr awyren MH370 wedi ei cholli yng Nghefnfor y De gymryd yr ail le ar wefannau cyfryngau Sbaen.  Mae pawb yn cofio Adolfo Suárez, fu farw ddoe. Suarez oedd prif weinidog cyntaf y Sbaen ddemocrataidd ar ôl yr unben Franco. Dyn yr adain dde oedd e, yn Gatholig ffyddlon […] Parhau i ddarllen

Asturias yn Gymraeg: Llyfr Rysait a Llawer Mwy

Ychydig iawn o bethau dewisais i o dŷ fy mam. Ond yn eu plith, llyfr coginio eithriadol: Maura Laverty’s Cookery Book, a gyhoeddwyd yn Llundain ym 1946. Roedd Maura Laverty ei hun yn dipyn o eithriad. Merch i ffermwr o Swydd Kildare, yn 20au’r ganrif ddiwethaf roedd hi’n gofalu am blant llysgennad Romania yn Madrid. […] Parhau i ddarllen

Asturias yn Gymraeg: Gwobr am Waith Caled

Roeddwn i wedi gwneud fy ngwaith cyn i fois Cymru ddechrau arni yn erbyn Lloegr heddiw, ac yn edrych ymlaen at y gêm fel gwobr am hynny. Nid felly y bu. Roeddwn i wedi treulio cwpwl o oriau yn clirio cefn a phen pella’r garej, lle roedd chwyn, a phlanhigion a dail marw wedi ymgasglu […] Parhau i ddarllen

Asturias yn Gymraeg: O’r Ardd: Gwanwyn ar y Gorwel

Mae’r cadwyn o stormydd ddaeth dros yr Iwerydd wedi gostegu yma ar arfordir Asturias. Ers ryw wythnos, tywydd gwanwynaidd sydd wedi bod, os nad gwir wanwyn. Dyddiau twym a heulog, nosweithiau clir ac oer gyda’r sêr yn ysblennydd. Orion yw fy ffefryn felly yr amser hon o’r flwyddyn yw’r gorau i edrych ar y sêr. […] Parhau i ddarllen

Asturias yn Gymraeg: O’r Gegin: Cegddu at Ddiwrnod Llwyd

Doeddwn i ddim yn wir yn disgwyl y dyn pysgod y bore ‘ma. Mae’r tywydd ar hyd arfordir y Cantabrico wedi bod mor wael taw dim ond ar 4 diwrnod ym mis Ionawr y bu cychod Ribadesella mâs o gwbl. Glaw trwm, ie, ond yn waeth na hynny mae’r gwynt wedi chwythu o’r gogledd neu […] Parhau i ddarllen

Asturias yn Gymraeg: Tir Newydd

Mae’r llygad yn gwella diolch i’r drefn. Ac yn awr rwy’n gallu edrych ymlaen yn wir! Mae gyda ni rhwybeth arbennig i edrych ymlaen ato: Os bydd popeth yn mynd yn iawn, bydd stribed o dir yng nghanol y llun yn eiddo inni erbyn diwedd y mis. Wedi cytuno pris ac yn aros i’r perchennog […] Parhau i ddarllen

Asturias yn Gymraeg: Esboniad

Rwyf yn teipo hwn mewn llythrennau o faint anferthol. Wedi cael llawdriniaeth i dynnu cataract (Cymraeg? rhaeadr? ddim yn swnio’n iawn). Amser yn mynd heibio heb fawr o wella.  Dyma’r rheswm pam nad oes cofnod newydd ers hydoedd. Parhau i ddarllen

Asturias yn Gymraeg: Tywysoges o Flaen ei Gwell

Tywysoges yn y doc. Yn Sbaeneg dywedir bod y diffynnydd ‘en el banquillo‘, ar y fainc, ond yn amlwg mae hwn yn un o’r achosion i beidio â chyfieithu air am air. Ar ôl cyfnod cyfebru o naw mis, mae’r barnwr-erlynydd wedi galw ar Cristina de Borbon, merch brenin Sbaen, i ateb cyhuddiadau o dwyll […] Parhau i ddarllen

Asturias yn Gymraeg: Nôl i’r 30au

Mae llywodraeth Sbaen wrthi eto yn ceisio droi amser yn ôl. Bob tro maen nhw’n agor eu cegau mae’r llen yn siglo ac yn dangos unwaith eto nad plaid o’r ‘dde-canol’ yw’r PP bellach ond o’r dde. Y tro hwn, ymosod ar hawliau menywod drwy gyfyngiadau ar erthylu. Dim ond lle mae rhywun wedi beichiogi […] Parhau i ddarllen

Asturias yn Gymraeg: Diweddaru: Anifeiliaid Prin

Mae Parc Cenedlaethol y Picos de Europa yn anialwch ysblennydd sydd hefyd yn weithle i gannoedd o bobol ac yn denu tua 2 filiwn o ymwelwyr y flwyddyn. Tri phegwn, felly (os yw’n bosib cael 3 phegwn?): yr ecolegwyr, y ffermwyr, a’r diwydiant twristiaid, i gyd yn ceisio cael rhedeg y lle fel maen nhw […] Parhau i ddarllen

Asturias yn Gymraeg: Nadolig yn Nesáu

Heddiw byddaf yn troedio tir Paned a Chacen! Fe’n gwahoddwyd i ddathlu penblwydd cymydog, cinio traddodiadol gyda’r teulu a chyfeillion. Ac wedi meddwl beth allwn i gyfrannu, dyma penderfynu gweithio mins peis. Roeddwn yn weddol aicr na fyddai’r un o’r gwesteion wedi’u blasu nhw. (Anghywir! Mae Marisa, sy’n athrawes Saesneg, yn dwlu arnyn nhw.) Roeddwn […] Parhau i ddarllen

Asturias yn Gymraeg: Addysg Asturias

Dim ond nodi’r ffaith fod disgyblion Asturias wedi gwneud yn dda yn y profion PISA eleni, a rhai Cymru ddim cystal. Roedd canlyniadau mathemateg, darllen a gwyddoniaeth yma yn Asturias yn cyrraedd neu’n uwch na’r gyfartaledd (500 union ym math, 504 darllen, 517 gwyddoniaeth), ac fe ddaeth Asturias yn 5ed o’r 14eg gymuned awtonomaidd yn […] Parhau i ddarllen

Asturias yn Gymraeg: Fydd y Blog Yma’n Wrthun?

Mae digon wedi ymddangos ar y cyfryngau yng Nghymru/DU yn adrodd hanes y deddfau newydd yn Yr Aifft fydd yn gwahardd gwrthdystio heb ganiatad. Ond a wyddost ti fod rhywbeth tebyg iawn yr olwg (neu’r drewdod) yn digwydd yma yn Sbaen? Heddiw mae cyngor y gweinidogion (cabinet y llywodraeth adain-dde) wedi cytuno drafft Deddf Gwarchod […] Parhau i ddarllen

Asturias yn Gymraeg: Y Gwyll: Adolygiad o Fath

Fydd hwn ddim yn adolygiad clasurol, ond yn hytrach yn gasgliad o adwaith a hel meddyliau. Y peth cyntaf sydd rhaid ei ddweud yw fy mod i wedi mwynhau’r gwylio. Ar ôl dechrau drwy ofyn ‘o na, sawl gwaith yr ydym ni wedi cwrdd â ditectif newydd i’r ardal sy’n byw ar ei ben ei […] Parhau i ddarllen

Asturias yn Gymraeg: Chwaraeon Sanctaidd

Ddiwedd y mis byddwn ni’n mynd i fiesta’r pentref nesaf. Mae Gŵyl San Zornin, yn Astwreg, neu San Saturnino yn Sbaeneg, yn cael ei dathlu ar y 29ain o Dachwedd. Diwrnod a noswaith yn gwisgo cot fawr a scarff yw hi! Ar ôl yr offeren, cynhelir chwaraeon gwledig o amgylch y pentref. Yn gyntaf, tynnu […] Parhau i ddarllen

Asturias yn Gymraeg: Prestige: Neb ar Fai

Un flwyddyn ar ddeg i’r diwrnod, dyma ganlyniad achos llys y Prestige, y llong olew a suddodd oddiar arfordir Galicia yn 2002, gan lygru 2000km o draethau a chreigiau gogledd Sbaen. Yn ôl y barnwr, doedd dim bai ar neb. Nid y capten, sydd erbyn hyn yn 78 oed ac a gafyd yn euog o […] Parhau i ddarllen

Asturias yn Gymraeg: Taith Gerdded: Picu Pienzu

Dyma ddisgrifiad o daith a wnaethom ni’r wythnos ddiwethaf. Man dechrau: el Mirador del Fitu (600m, ac yn Sbaeneg yn cael ei sillafu Fito), ar y ffordd AS260 rhwng Arriondas a’r môr.  Dringo 560m i gopa Pienzu. 5 awr i gyd, gan gynnwys tynnu lluniau a bwyta brechdanau. Picu Pienzu yw’r pwynt uchaf yn y […] Parhau i ddarllen

Asturias yn Gymraeg: Tir a Môr

Byddwn yn hwylio heno o Santander – gobeithio y bydd y môr wedi tawelu. Fel hyn oedd hi ddoe: Brwydr oesol tir a môr, a’r dŵr i weld yn ennill. Mae’r clogwyni o leiaf 30m o uchder. Ond ar yr un diwrnod, roeddwn wedi casglu ffigys, mafon, tomatos bychain ac ambell i oren fach o’r […] Parhau i ddarllen

Asturias yn Gymraeg: Lluniau’r Traeth, Lliwiau’r Môr

Mae’r gwres wedi darfod. Nid ei bod yn oer nawr, dim ond yn ffres, a’r gwynt weithiau’n ddigon main. Bythefnos yn ôl dyma oedd llun y môr o glogwyni Castro Arenes: Yr un un lliw gwyrddlas Caribîaidd sydd wedi bod drwy’r haf bron. Yn awyr yn dawel a’r tonnau ynghudd. Wythnos ddiwethaf, o fewn y […] Parhau i ddarllen

Asturias yn Gymraeg: Carcharorion ETA Eto

Rwyf i wedi gweld bod achos Ines del Rio yn cael sylw o leiaf rhai o gyfryngau’r DU.  Fe gafodd y weithredwraig ETA ei rhyddhau o’r carchar yn Galicia y prynhawn yma yn dilyn penderfyniad Llys Hawliau Dynol Ewrop yn Strasbourg. A dyna un o’r pethau sy’n ddiddorol. Dyw llywodraeth Sbaen ddim o blaid ei […] Parhau i ddarllen

Asturias yn Gymraeg: Blwyddyn o Dywydd Rhyfedd

Newid hinsawdd neu beidio, mae’n werth nodi sut mae’r tywydd wedi bod yn Asturias ers blwyddyn, a’r effaith mae wedi cael ar yr ardd. Rwy’n dewis dechrau nawr achos fod tymor hydref 2012 mor braf: fe barhaodd tan y nadolig, yn sych ac yn dwym a heb y gwyntoedd cryfion arferol. Ond gyda throad y […] Parhau i ddarllen

Asturias yn Gymraeg: O’r Ardd: Nodyn

Dim llawer o amser, felly dyma nodyn o’r hyn yr ydym ni wedi’i gasglu, a’i fwyta, o’r lleuarth heddiw. ffigys, mafon, clesin, lemwns, tomatos bach a mawr, pupur coch a chorbwmpen. O ardd y perlysiau: mintys y graig a chennin sifis. O’r sied:, tato, wynwns a garlleg. Gwaith mawr o’n blaenau: casglu’r afalau at y […] Parhau i ddarllen

Asturias yn Gymraeg: Dianc Rhag Franco

‘Roeddem ni’n chwarae yn y cae pan glywon ni fe: awyren yn hedfan yn isel tuag atom ni. Dechreuon ni redeg tua’r clawdd: dechreuodd e saethu, a saethu, hyd yn oed pan oeddem ni’n gorwedd o dan y clawdd roedd e i’w glywed.’ Bachgen o Wlad y Basg yn disgrifio’r eiliadau yn gynnar ym 1937 […] Parhau i ddarllen

Asturias yn Gymraeg: Garddio yn y Gymraeg

Er gwaetha’r tywydd da, rwyf i wedi bod ynghlwm wrth y sgrîn fach – yn darllen blogiau pobl eraill. Mae cymaint o bobl yn blogio yn y Gymraeg erbyn hyn, yn enwedig ar fy hoff bynciau i: bwyd, garddio, yr amgylchedd a gwleidyddiaeth. Ceir rhestr anhepgor gan Hedyn fan hyn Gadewn ni’r gwleidyddol am y […] Parhau i ddarllen

Asturias yn Gymraeg: Hela Arteithwyr Franco

Mae barnwraig yn yr Ariannin wedi gofyn i awdurdodau Sbaen arestio pedwar dyn am y rhan a chwaraeon nhw yn cadw unbeniaeth Franco i fynd. Dywed yr hawlwyr eu bod nhw i gyd wedi arteithio diffynyddion yng nghelloedd yr heddlu yn Madrid ac yng Ngwlad y Basg. Ymysg yr hanesion, curiadau â dyrnau, ac â […] Parhau i ddarllen

Asturias yn Gymraeg: Llwybr Arfordir Asturias

Y diwrnod o’r blaen, wedi gadael y car i gael ei driniaeth ‘cyn-y-prawf’, fe gymeron ni’r bws i Villahormes a cherdded adre ar hyd llwybr yr arfordir – 14km atr y llwybr GR 204, a 2km ar lan yr afon. Cyn ddisgrifio’r daith, hoffwn i wneud dau bwynt: yn gyntaf, dyw llwybr arfordir Asturias ddim […] Parhau i ddarllen

Asturias yn Gymraeg: Beicio o Gwmpas Sbaen

Ymhen yr awr fe fyddwn yn gwybod pwy sydd wedi ennill taith heddiw yn y Vuelta a España – cylchdaith seiclo Sbaen. Ond imi y peth pwysig oedd bod y beicwyr eleni yn gwibio ar hyd yr hen heol fawr ar odre’r pentref. Ar ôl gweld pasio dwsenni – na, ugeiniau – o heddlu yn […] Parhau i ddarllen

Asturias yn Gymraeg: O’r Ardd a’r Gegin

O’r diwedd mae’r gwartheg wedi rhoi’r gorau i’w galaru. Mae hanner dwsin ohonyn nhw yn y cae gyferbyn, ac maen nhw wedi bod wrthi ddydd a nos gyda sŵn dychrynllyd sydd rhywbeth rhwng brefu, llefain a rhuo. A hynny am fod eu lloi bach wedi mynd, y cwbl wedi eu gwerthu ar y farchnad gig. […] Parhau i ddarllen

Asturias yn Gymraeg: Hanes Byw

Nid adolygiad fydd y cofnod hwn, oherwydd newydd ddechrau darllen y llyfr ydwyf. Pan welais i drydariad amdano roeddwn yn gwybod bod rhaid imi ei brynu, ac yn awr mae wedi cyrraedd. Mae’r teitl yn dweud y cwbl: The Life and Death of the Spanish Republic. Ond nid llyfr o hanes rhyfel na gwleidyddiaeth yw […] Parhau i ddarllen

Asturias yn Gymraeg: O’r Ardd: Ffrwythlondeb

Toreth o bethau da yn barod yn yr ardd. Y goeden afal Enlli, er enghraifft, wedi llwyddo i gynhyrchu dau afal hyfryd yn ei blwyddyn gyntaf yma (roedd hi eisoes yn ddyflwydd pan gyrhaeddodd hi). Yn ni wedi bwyta un yn barod, ac mae’n wir, mae arogl lemwn arnyn nhw, a blas ychydig yn sitrig […] Parhau i ddarllen

Asturias yn Gymraeg: Ail Gynhaeaf i Hen Lafur

Roedd ŷd sbelt (triticum spelta yn Lladin) yn cael ei dyfu yng ngogledd Ewrop 3000 o flynyddoedd yn ôl. Diflannodd yn gyfangwbl o Gymru yn amser y Rhufeiniaid, ond mae o hyd yn cael ei werthfawrogi yng nghanolbarth Ewrop ac i raddau yma yn Asturias. Beth sy’n ddiddorol yw bod mwy o alw amdano’r dyddiau […] Parhau i ddarllen

Asturias yn Gymraeg: O’r Gegin: Foccacia

Yn anaml y byddaf yn gweithio bara: mae dwy fan fara yn dod i’r pentref bob dydd, pobydd da iawn tua 15 munud bant ac un rall sy’n dod i’r marchnadoedd lleol. Ond roeddwn i eisiau paratoi rhywbeth arbennig ar gyfer y cyfeillion noson y ffair gaws, felly dyma gofyn i un o fois y […] Parhau i ddarllen

Asturias yn Gymraeg: Fiesta!

Bu’n wythnos gron o fiestas yn yr ardal eleni, gan ddechrau gyda ras hir y ceufadau i lawr afon Sella o Arriondas i Ribadesella yn yr aber. Ein harfer ni’r cyfeillion yw codi pabell ar y lan ychydig cyn diwedd y cwrs, a mynd a digon o fwyd a seidr ar gyfer diwrnod. Doedd y […] Parhau i ddarllen

Asturias yn Gymraeg: Geiriau Rhyfelgar y Graig

Mae David Cameron (DU) a Mariano Rajoy (Sbaen) fel pâr o benfoelion yn ymladd dros grib gwallt. Y Sais yn mynnu na fydd Gibraltar fyth fythoedd yn cael ei rhoi’n ôl i Sbaen, a’r llall yn llawn stêm ynglŷn â’r difrod y mae’r diriogaeth estron yma ar dir Sbaen yn gwneud i hunanbarch ac economi’r […] Parhau i ddarllen