Archives: cathasturias

Asturias yn Gymraeg: O’r Ardd: Dala Lan

Diwrnod o haul a’r teulu a’r cyfeillion i gyd wedi mynd adref. I’r ardd! Cynaeafu perlysiau – mintys y graig, oregano a theim. Bydd angen mis neu ddau arnyn nhw i sychu’n net, mewn hen ridyll ar silff uchel yn y gegin. Mae rhai pobl yn eu clymu nhw wyneb i waered ond mae’r rhidyll […] Parhau i ddarllen

Asturias yn Gymraeg: Bulnes 2013

Fe fyddi di, ddarllennydd cyson, yn gwybod eisoes taw llwybr pentref Bulnes yw un o’m hoff deithiau cerdded yn y Picos de Europa. Ac roedd un o ‘mrodyr wedi bod yno ddwywaith o’r blaen hefyd, ond doedd y llall ddim, felly bant â ni. Ar ôl gaeaf oer llawn eira a gwanwyn hir a gwlyb, […] Parhau i ddarllen

Asturias yn Gymraeg: Penblwydd

Penblwydd arall! A heno bydd fy mrodyr yn cyrraedd am wythnos o wyliau, felly fawr o flogio yn ystod y dyddiau nesaf. Llun y machlud haul neithiwr i aros pryd.

Parhau i ddarllen

Asturias yn Gymraeg: Coedwig yr Iwerydd

Coedwig yr Iwerydd yw’r enw a roir ar y coed sy’n tyfu ar hyd arfordir gogledd Sbaen, gan gynnwys yma yn Asturias. Mae’r elltydd serth (imi llethr coediog yw ystyr allt) yn wynebu’r gogledd a gwyntoedd cryfion y môr.  Mae’r mynyddoedd yn rhedeg o’r dwyrain i’r gorllewin mewn rhesi, yn mynd yn uwch wrth ymbellhau […] Parhau i ddarllen

Asturias yn Gymraeg: Afon Guadamía: Tymor Newydd

A’r glaw mawr wedi peidio o’r diwedd, ddoe aethom ni am dro i lawr llwybr yr afon tua’r môr. Roedd ôl y llifogydd i’w gweld mewn mannau lle’r oedd y dŵr wedierydu o dan y glannau, ond y llwybr ei hun yn dal yn ddiogel. Roeddem ni’n cerdded gyda chyfeillion sy’n byw bywyd dinas, a […] Parhau i ddarllen

Asturias yn Gymraeg: Beth Gawn ni i Ginio?

Mae pawb yn gorfod bwyta. Yn ôl yr Hitchhiker’s Guide to the Galaxy, mae 3 chyfnod i wareiddiad: yn gyntaf, gofyn ‘sut allwn ni gael rhywbeth i fwyta?’, yn ail, ‘pam fod rhaid inni fwyta?’ ac yn drydydd ‘ble’r awn ni i gael cinio?’ Mae’r rhan fwyaf ohonom ni sy’n siarad Cymraeg yn gyfforddus yn […] Parhau i ddarllen

Asturias yn Gymraeg: Pobl v Bleiddiaid

Mae’r blaidd yn ôl yn Ribadesella. Dyma’r mynyddoedd y tu cefn i’n tŷ ni, yn gwisgo het niwl. Edrych tua’r de mae’r llun, o gyfeiriad yr arfordir.  Yr ochr arall, mae nifer o gymoedd cul heulog lle mae rhai o’r cymdogion yn dal i fynd ag anifeiliaid i bori dros yr haf. A dyna lle […] Parhau i ddarllen

Asturias yn Gymraeg: Yr Ardd Fotaneg

Wedi bod ar wibdaith o gwmpas Cymru yn ymweld â’r teulu a chyfeillion. Ac ar y ffordd, treulio prynhawn yn yr Ardd Fotaneg yn Llanarthne ger Caerfyrddin.  Roeddwn i heb fod yno ers blynyddoedd – yn fuan ar ôl iddi gael ei hagor. Am ddatblygiad! Mae’r tŷ gwydr enfawr yn awr yn gartref i blanhigion […] Parhau i ddarllen

Asturias yn Gymraeg: Pigion Asturias Heddiw

Mae eog cyntaf y tymor wedi ei ddal a’i bwyso a mesur: 90cm o hyd ac yn pwyso bron i 9kg. Daliwyd ef am 7.30 y bore ‘ma yn nwyrain Asturias, yn afon Sella. yn agos i dref Cangas de Onis. Yn ôl y traddodiad, bydd y campanu yn cael ei werthu mewn ocsiwn, a […] Parhau i ddarllen

Asturias yn Gymraeg: Blagur a Mwy

lluniau heddiw wedi eu hysbrydoli gan flog hyfryd Ar Asgwrn y Graig. Wnaethom ni brynu’r goeden fach hon ddechrau’r flwyddyn, a dyma hi’n dangos ei blodau am y tro cyntaf. Os oedd hi’n gallu byw’n hapus ar ynys Enlli fe ddylai arfordir dwyrain Asturias fod yn nefoedd iddi. Edrych ymlaen yn fawr ar flasu’r ffrwyth: […] Parhau i ddarllen

Asturias yn Gymraeg: Glaswellt dros eu Llwybrau i Gyd

Mor hawdd yw peidio ag ysgrifennu! Bues i am dros ddwy flynedd yn cyhoeddi cofnod newydd bob dydd, ond yn ddiweddar un yr wythnos yw hi. Ond mae sefyllfa drychinebus y di-waith yn fy ngorfodi i’w hadrodd. 6 miliwn ohonyn nhw yn Sbaen. 123,000 yn Asturias fechan. 64% o ieuenctid Asturias mâs o waith. Mae’r […] Parhau i ddarllen

Asturias yn Gymraeg: Marw’r Fflam

Mieres. Tref fwyaf cymoedd glofaol Asturias. Man cychwyn chwyldro’r gweithwyr ym 1934. Neithiwr roedd y tyrfaoedd ar y stryd eto – 30,000 o bobl yn ôl y trefnwyr -  ond y tro hwn i geisio amddiffyn diwydiant sydd wedi crebachu gyda’r blynyddoedd. Llai na 2000 o lowyr lle bu 60,000. I fod yn onest, roedd […] Parhau i ddarllen

Asturias yn Gymraeg: Yn eu Blodau

Y tri hyn yn gyffredin iawn yn yr ardal hon yn ystod y gwanwyn. Rhyw 2km o’r môr (y Cantabrico) ydym ni, yn nwyrain talaith Asturias yng ngogledd Sbaen. Ond er eu bod yn gyffredin, maen nhw’n brydferth hefyd. Parhau i ddarllen

Asturias yn Gymraeg: O’r Ardd: Cynllun Newydd

Arwydd arall bod y tymor yn troi: heddiw am y tro cyntaf eleni roeddwn yn gallu eistedd ar y teras ar ôl brecwast a gadael i’r haul sychu ‘ngwallt. Ond i’r gwaith wedi hynny, achos mae gyda ni gynllun i wneud gwely newydd ar waelod y graig , ar y ffordd y bydd pobl yn […] Parhau i ddarllen

Asturias yn Gymraeg: Dyheu am y Gwanwyn

Mae’r blodau gwyllt, fel finnau yn ffaelu aros munud mwy. Eisiau’r haul, eisiau mwy o oleuni arnom ni. Fore heddiw roedd hi’n bwrw mor galed fel nad oedd hi ddim yn bosib gweld pen yr ardd yn glir. Y prynhawn yma, oherwydd ein bod ni ar y galchfaen, roedd popeth wedi sychu’n ddigon i gerdded […] Parhau i ddarllen

Asturias yn Gymraeg: Rheolaeth o’r Canol

Dyddiau du yn economaidd. A dyw’r tywydd ddim yn help chwaith, yn oerach nag y dylai fod ar arfordir Asturias ym mis Ebrill ac yn bwrw glaw fel petai dim modd peidio. Mae meddwl pobl yn mynd tuag at ‘cadw’r hyn sydd gen i’ , bod yn ddiogel, yn glyd os yn bosib. Does dim […] Parhau i ddarllen

Asturias yn Gymraeg: O’r Ardd: Haul!

Mae’n hanner awr wedi wyth ac yn dal yn olau dydd. Daeth cymylau i guddio’r haul ar ôl diwrnod arbennig o dda yn yr ardd. Hynny yw, am y tro cyntaf mewn misoedd roeddem ni wedi gallu gweithio drwy’r dydd yn yr ardd. Rhy dwym oedd hi weithiau a dweud y gwir. Chwynnu, chwynnu. chwynnu. […] Parhau i ddarllen

Asturias yn Gymraeg: Diolch!

Nodyn bach o ddiolch i bob un sy’n troi mewn i ddarllen y blog. Pam heddiw’n fwy nag unrhyw ddiwrnod arall? Achos fy mod i wedi digwydd agor y wefan yn gynnar ar ôl hanner nos amser Sbaen, ac ymwelydd cyntaf y dydd wedi ei gyfri a’i leoli gan WordPress: Kazakhstan. Pwy bynnag yw hi [...] Parhau i ddarllen

Asturias yn Gymraeg: Gobaith y Gwanwyn

Wedi bod yn y tŷ ag annwyd ers wythnos, a’r tywydd mor ddiflas nad oedd dim ots gen i. Nid yr eira mae rhannau o Gymru wedi cael, ond glaw, glaw, glaw. Sy’n golygu wrth gwrs bod pob pot blodyn a hadfwrdd yn llawn dop gydag eginlysiau ddylai fod mâs yn y pridd, ond bod [...] Parhau i ddarllen

Asturias yn Gymraeg: Llwgr Llwgr Llwgr

Weithiau, heddiw er enghraifft, nid wyf yn deall sut y mae’r blaid sy’n llywodraethu yn Sbaen, y PP (adain-dde), yn gallu cario ymlaen. Mae cwympo mâs mawr o fewn yr arweinwyr ynglŷn ag arian (€230,000) a dalwyd i gyn-ŵr y gweinidog iechyd wrth gael ei wared e o swydd gyda’r blaid.  Mae’r gweinidog hithau’n gwadu [...] Parhau i ddarllen

Asturias yn Gymraeg: Hen Ben

Beth ddylai’r oedran ymddeol fod? Neu a oes angen oedran ymddeol o gwbl – pam na allwn ni adael i bobl i fynd ymlaen i weithio cyhyd â maen nhw eisiau? Stori newyddion anhygoel yn El País sy’n gwneud imi ofyn y cwestiynau. Yn Sbaen fel yng Nghymru mae cyfundrefn o gyfreithwyr ‘ar ddyletswydd’ sy’n [...] Parhau i ddarllen

Asturias yn Gymraeg: Pigion

Arolwg a wnaed ar draws Ewrop yn awgrymu’n gryf na ddylid bwyta mwy nac ychydig iawn o ham, selsig ac yn y blaen, rhag ofn marw’n gynnar o broblemau’r galon. Mae Sbaenwyr, yn Asturias a phobman arall, yn bwyta jamón, chorizo ac embutidos bryd ar ô pryd.  Ond y diwrnod o’r blaen roedd arolwg mawr [...] Parhau i ddarllen

Asturias yn Gymraeg: Cythruddedig Heno

Bu farw Stéphane Hessel yn 95 oed. Almaenwr wrth ei enedigaeth, fe drodd yn Ffrancwr ym 1937 a bu’n ymladd yn erbyn Hitler ar dir Ffrainc fel aelod o’r gwrthsafiad. Yn ddiplomat wrth ei alwedigaeth ac yn athronydd adain-chwith, 3 blynedd yn ôl fe gyhoeddodd ‘Byddwch yn Gythruddedig’ yn erbyn y sefyllfa a welodd yn [...] Parhau i ddarllen

Asturias yn Gymraeg: Tywysogion y Mynydd

Rhywbeth bach diddorol i lawer un yn hwn. Mae cymuned Castilla La Mancha, sydd rhwng Madrid, Valencia a Córdoba,  yn berchen ar diroedd gwyllt eang ar ran ei phoblogaeth. Ac mae wedi penderfynu gwerthu 50,000ha ‘am bris y farchnad’ yn ôl grŵp sy’n gweithredu er mwyn cadw’r amgylchfyd naturiol. Dywed Ecologista en Acción fod llywodraeth [...] Parhau i ddarllen

Asturias yn Gymraeg: Pethau’n Tyfu

Dim gobaith gwneud dim yn yr ardd. Bob tro rwyt ti’n meddwl bod y glaw wedi cwpla, yn ôl y daw. Mae’r tir mor wlyb mae ôl ein traed yn eglur – ar ffurf pyllau bach o ddŵr. Ond o leiaf mae’r tocio wedi ei wneud, y coed ffrwythau’n aros am godiad bach yn y [...] Parhau i ddarllen

Asturias yn Gymraeg: Cau Pyllau, Diffodd y Sbarc

Yfory bydd cynrychiolwyr glowyr Asturias yn cwrdd â’r llywodraeth yn Madrid mewn ymgyrch munud olaf i achub eu diwydiant a’r cymoedd sy’n dibynnu arno. Does neb yn disgwyl canlyniad llawen. Mae diwrnod dileu’r cymorthdaliadau wedi cael ei newid sawl gwaith, ac erbyn hyn mae llywodraeth Rajoy yn dweud na fydd dim i’w gael ar ôl [...] Parhau i ddarllen

Asturias yn Gymraeg: I’r Gad?

Cyfaill arall yn dweud bod ganddo gynllun i ymfudo dros Iwerydd. Nid diffyg gwaith yn yr achos yma (er y byddai’n hoffi cael gwaith gwell), ond ofn y daw ymladd a thrais unwaith eto yn rhan o fywyd bob dydd. Rhois i gais ar esbonio achos Bárcenas y diwrnod o’r blaen. Yn awr mae’r peth [...] Parhau i ddarllen

Asturias yn Gymraeg: Dreigiau’n Dihuno

Fel pistyll anferth ond bod y dŵr yn codi i’r awyr….fel sŵn draig sydd wedi cael ei dihuno’n rhy gynnar….fel mŵg dwsinau o goelcerthi ar hyd y clogwyni. Ie, mae bufones y clogwyni calchfaen wedi bod wrthi drwy’r wythnos. Bob dydd wrth eu clywed nhw’n rhuo rwyf i wedi rhuthro lawr i’r môr, a bob [...] Parhau i ddarllen

Asturias yn Gymraeg: Llygredd wrth y Llyw

Does dim dianc rhag wleidyddiaeth hyd yn oed yn y blog hwn. Ond nid prif weinidog y DU na´r UE sy´n denu fy sylw, na sylw cyfryngau Sbaen fel ei gilydd. Bárcenas yw’r boi. Enw newydd imi ac i ran helaeth o boblogaeth y penrhyn Iberaidd. Cyn-drysorydd y PP a seneddwr dros Cantabria (Plaid y [...] Parhau i ddarllen

Asturias yn Gymraeg: San Anton y Nofiwr

Wel, yn y diwedd roeddem ni wedi danto. Neu, fel ddwedodd cymydog ‘doedd y sant ddim eisie gadael yr eglwys i fynd am dro yn y glaw.’ Ni fu gorymdaith. Hynny yw, brysio wnaethom ni, ambarel yn un llaw a thambwrîn yn y llall, o gartre cymdoges lle roeddem ni wedi’n gwisgo i’r eglwys. Canu [...] Parhau i ddarllen

Asturias yn Gymraeg: Gorymdeithio yn y Glaw

Fel hyn yr oedd hi llynedd. Oes, mae peth cwmwl i’w weld yn cuddio’r mynydd yn y cefndir, ond does neb yn crynu gan oerfel ac mae’r llawr yn weddol sych. Nid felly yfory, yn ôl pobl y tywydd. Maen nhw’n darogan 3cm o law YR AWR o hanner nos tan hanner dydd. Dim ond [...] Parhau i ddarllen

Asturias yn Gymraeg: Gwlad yr Iorddonen: Heddiw ac Yfory

Roedd y gwyliau yng ngwlad yr Iorddonen yn gyfle i ddysgu mwy am wladwrieth fach sydd ddim yn derbyn llawer o sylw.  Gwlad ryw bedair gwaith maint Cymru yw hi, gyda dwbl y boblogaeth (6.3 miliwn). Mae’r rhan fwyaf llethol yn byw yn y dinasoedd, ac ychydig iawn iawn sy’n dal i grwydro’r anialwch.  Mae [...] Parhau i ddarllen

Asturias yn Gymraeg: Yng Ngwlad yr Iorddonen 2

Dwi ddim eisiau mynd ymlaen ac ymlaen am ein gwyliau yng ngwlad yr Iorddonen, ond mae’r amser gawsom ni yn yr anialwch yn haeddu cofnod. Dim ond 24ain awr, ond cam i fyd hen, newydd inni, a gwahanol iawn. Yn Wadi Rum yr oeddem, safle rhai o frwydrau T.E.Lawrence ganrif yn ôl – a’r ffilm [...] Parhau i ddarllen

Asturias yn Gymraeg: Yng Ngwlad yr Iorddonen 1

Bydd y cofnod hwn yn crwydro’n bell o lwybrau paradwys dwyrain Asturias, achos newydd ddychwelyd yr ydym ni o Wlad yr Iorddonen. Wythnos yn unig, ond imi dyma’r gwyliau perffaith: dianc rhag y tywydd oer, profi pethau newydd, i gyd yng nghwmni pobl cyfeillgar. Y rheswm pennaf dros ddewis yr Iorddonen oedd Petra, dinas hynafol [...] Parhau i ddarllen

Asturias yn Gymraeg: Nadolig Llawen

Nadolig Llawen i bawb! Llun (arall) o fae Guadamía. Byddai Freud yn hapus: wnes i deipo ‘o far Guadamía’ i ddechrau.   Parhau i ddarllen

Asturias yn Gymraeg: O’r Gegin: Newyddion Nadolig

Rwyf i wedi bod yn cael hwyl ar baratoi danteithion at ymwelwyr y Nadolig. Yn gyntaf, wrth gwrs, y deisen.  Daeth y rysait sydd gyda fi o raglen radio ar y BBC, cyn dyddiau Radio Cymru – ac fe gawson nhw’r peth o goleg ‘Cwcs’ dros y ffordd, y coleg oedd bryd hynny yn addysgu [...] Parhau i ddarllen

Asturias yn Gymraeg: Hybu Iaith

Yn Barcelona heno bydd llywydd Catalwnia, Artur Mas, yn cyfarfod â chynrychiolwyr mwyafrif pleidiau’r rhanbarth i baratoi’r ymosodiad cyntaf yn eu brwydr yn erbyn y deddf addysg newydd Madrid.  Rhan yn unig yw’r frwydr hon yng nghanol ymgyrch annibyniaeth, ond mae’n rhan hanfodol. Trochi ieithyddol fu polisi addysg Catalwnia ers cenhedlaeth (30 mlynedd), gyda phob [...] Parhau i ddarllen

Asturias yn Gymraeg: Iaith yr Ysgolion

Ydy llywodraeth Rajoy mewn gwirionedd yn ceisio gyrru pobl i gefnogi Artur Mas a chenedlaetholwyr Catalwnia? Mae’r manylion sydd wedi dod mâs heddiw (fe fydd y ddogfen gyflawn yn cael ei chyflwyno i’r llywodraethau rhanbarthol heno) ynglŷn â chynlluniau Madrid ar gyfer ysgolion yn awgrymu hynny! Pum mis yn ôl fe benderfynodd goruchaf lys Sbaen [...] Parhau i ddarllen

Asturias yn Gymraeg: Rhifau

Rwy’n ceisio cadw golwg ar economi Sbaen yn ogystal ag arian y tŷ hwn: a heddiw daeth nifer fawr o rifau i’m cynorthwyo. O’r diwedd mae llywodraeth Madrid wedi gofyn am swm penodol i achub y banciau a wladolwyd – €37bn. Yr un diwrnod, cyhoeddi  y bydd y cymunedau awtonomaidd yn derbyn €4bn yn llai [...] Parhau i ddarllen

Asturias yn Gymraeg: Dyfodol Catalwnia

Mae’r bobl wedi codi llais. Ac mae’r llais honno wedi cefnogi annibyniaeth i Gatalwnia. Ond, fel arfer, dyw pethau ddim mor syml â hynny. Os am ddarllen manylion canlyniadau’r pleidleisio yng nghyd-destun agwedd y pleidliau tuag at annibyniaeth a’r refferendwm arfaethedig, y Catalan News Agency yw’r lle. Mae gan La Vanguardia hefyd adran fanwl a [...] Parhau i ddarllen

Asturias yn Gymraeg: Iaith Asturias

      Dyma’r cyfaill ddaeth i rannu hoe amser cinio gyda ni heddiw: cricedyn hirgorn gwyrdd mawr yw’r enw Cymraeg mae’n debyg. Fe gerddodd e rownd y ford, gan osgoi’r platiau gwag, fe gerddodd e lan coes y gŵr, ac ar ôl cael ei symud o’r fan honno bu’n mynydda tipyn – i ben [...] Parhau i ddarllen

Asturias yn Gymraeg: Gweithio Seidr

Neithiwr buom ni’n rhoi help llaw (â dweud y gwir bu’r gŵr yn rhoi help llaw, a minnau’n tynnu lluniau ac yn siarad â phobl) i gymydog o ben arall y pentref oedd yn gwneud seidr. Y peth cyntaf a sylwais oedd mor lân oedd popeth gydag e: yr afalau i gyd wedi cael mynd [...] Parhau i ddarllen

Asturias yn Gymraeg: O’r Ardd a’r Gegin

Hydref. Yn swyddogol, mae tymor yr hydref wedi cyrraedd Asturias, a Sbaen, ers yr 21ain o Fedi, ond fel arfer y diwrnod mae pobl yn cyfri fel newid tymor yw heddiw- diwrnod yr awr. Does neb yn edrych ymlaen at weld y nos yn dod yn gynt, na’r gwynt main yn chwipio gwynebau gweithwyr yr [...] Parhau i ddarllen

Asturias yn Gymraeg: Llwybr y Mwynwyr a’r Bugeiliaid

Ddydd Sul aethom ni am dro yn y Picos de Europa. Taith gerdded o ryw 4-5 awr yw hon, yn dibynnu faint o luniau mae rhywun yn tynnu (neu faint o frechdanau sydd i ginio). Canolfan ymwelwyr y Llynnoedd yw’r man dechrau. Ar hyn o bryd mae’n bosib gyrru lan (12 km o heol serth [...] Parhau i ddarllen

Asturias yn Gymraeg: Gwlad y Basg – a Galicia

Am unwaith mae newyddion o Wlad y Basg wedi cael rhywfaint o sylw gan gyfryngau Cymru a’r DU: pawb yn gwybod felly bod cenedlaetholwyr wedi ennill, nid yn unig mwyafrif yn senedd y Basgiaid, ond y nifer fwyaf o seddi ers i’r senedd honno gael ei sefydlu ar ôl marwolaeth yr unben Franco. Ond mae’r [...] Parhau i ddarllen

Asturias yn Gymraeg: Achos y Prestige

Alla’i ddim adael i ddigwyddiadau heddiw fynd heibio heb gofnod. O’r diwedd, ar ôl deng mlynedd namyn mis, mae rhywrai o flaen eu gwell am ddinistrio gymaint o amgylchedd arfordir gogledd-orllewin Sbaen gydag olew trwchus. O’r llong Prestige y daeth yr enwog chapapote – yr enw lleol ar y math hwn o olew – ac [...] Parhau i ddarllen

Asturias yn Gymraeg: Adolygiad Ffilm: Holy Motors

Es i weld y ffilm hon yn Llundain yr wythnos ddiwethaf. Roeddwn i eisoes wedi darllen un neu ddau o erthyglau amdani oedd yn ei chanmol am fod yn ‘ffilm ffilm’ h.y. yn ffilm sydd yn bod fel ffilm yn unig, nid yn adrodd hanes, nac yn ailadrodd llyfr neu ddrama. Leos Carax (ffugenw) yw’r [...] Parhau i ddarllen

Asturias yn Gymraeg: Diwedd Rhan 1

Yfory byddaf yn cyhoeddi’r milfed gofnod ar y blog hwn. Ac o hyn ymlaen, fy mwriad yw peidio ag ysgrifennu rhywbeth newydd bob dydd. Mae wedi bod yn hwyl, ac yn her weithiau, ond yn awr mae arna’i eisiau profi ffyrdd eraill o gyfathrebu: efallai drwy ysgrifennu rhywbeth ar ffurf hir, efallai drwy luniau. Byddaf [...] Parhau i ddarllen

Asturias yn Gymraeg: Colli Arian, Colli Bywydau

Bu’n flwyddyn wael yng nghoedwigoedd Sbaen. Eisoes mae dros 150,000ha o goed wedi eu llosgi’n ulw – tua’r un faint ag arwynebedd Meirionnydd. Mae wyth o bobl wedi marw, rhai wrth eu gwaith o geisio diffodd y tanau, eraill yn ffaelu dianc o’u cartrefi. Y gwaethaf ers degawd. Ac yn awr mae toriadau’r llywodraeth ganolog [...] Parhau i ddarllen

Asturias yn Gymraeg: Protestiadau Sbaen Heddiw

Heno bydd Barça yn croesawu Real Madrid yn y Camp Nou. Disgwylir y bydd y stadiwm gyfan yn ymddangos fel senyera (baner Catalan) enfawr tu fewn a tu fâs, ac mae llawer wedi addo bloeddio ‘annibyniaeth’ ar amser penodedig ym mhob hanner. (17m14e i fewn: ym 1714 y collodd Catalwnia ei hannibyniaeth ar ddiwedd Rhyfel [...] Parhau i ddarllen